ஹெஸ்பொல்லா தமக்கு எதிராக அதன் அச்சுறுத்தல் திறனை மீண்டும் நிலைநிறுத்துவதைத் தடுக்க தேவையான அனைத்தையும் தொடர்ந்து செய்வோம் என இஸ்ரேலியப் பிரதமர் பெஞ்சமின் நெதன்யாகு தெரிவித்துள்ளார்.
“காஸா பகுதியிலும் இதைத்தான் நாங்கள் செய்து வருகிறோம். போர் நிறுத்தத்திற்குப் பிறகு, ஹமாஸ் அதை மீறுவதை நிறுத்தவில்லை, அதன்படி நாங்கள் செயல்படுகிறோம்.” என அவர் குறிப்பிட்டார்.
இஸ்ரேலிய அமைச்சரவைக் கூட்டத்தின் போது அவர் இதனைக் குறிப்பிட்டார்.
இரண்டு வருடப் போருக்குப் பிறகு, அமெரிக்க மத்தியஸ்தத்துடன் இஸ்ரேலுக்கும் ஹமாஸுக்கும் இடையே போர் நிறுத்தம் அமுலுக்கு வந்தது.
எனினும் அந்த போர் நிறுத்தம் பலவீனமானதாகவே பார்க்கப்படுகிறது.
எதனையும் பொருட்படுத்தாமல் தாம் சுயாதீனமாக முடிவுகளை எடுப்பதாக நெதன்யாகு வலியுறுத்தினார்.
இஸ்ரேல் அதன் சொந்த பாதுகாப்பிற்கு பொறுப்பாகும்,என்று அவர் சுட்டிக்காட்டினார்.
